حجاب پہننے پر آسٹریلیا میں دو مسلم خواتین پر حملہ، ملزمہ گرفتار

شیعہ نیوز: آسٹریلیا میں ایک 31 سالہ خاتون کو دو مسلم خواتین پر حملے کے الزام میں گرفتار کر لیا گیا۔

پاکستانی میڈیا نے کہا ہے کہ پولیس کے مطابق، یہ واقعہ اسلاموفوبیا کے تحت ہونے والا حملہ ہو سکتا ہے۔

یہ بھی پڑھیں : القسام بریگیڈ نے صیہونی فوج کے ہاتھوں ہلاک 4 اسرائیلی قیدیوں کی لاشیں حوالے کردیں

یہ واقعہ 13 فروری کو ایپنگ شاپنگ سینٹر میں پیش آیا، جہاں حملہ آور خاتون نے مبینہ طور پر 30 سالہ حاملہ خاتون کا حجاب کھینچ کر انہیں گلا دبا کر زخمی کیا، جبکہ 26 سالہ خاتون کو الگ سے تشدد کا نشانہ بنایا۔

آسٹریلوی وزیراعظم انتھونی البانیز نے واقعے کی مذمت کرتے ہوئے کہا کہ "مذہبی بنیادوں پر کسی بھی قسم کا تشدد ناقابل قبول ہے، اور اس کے مرتکب افراد کو سخت قانونی کارروائی کا سامنا کرنا چاہیے۔”

پولیس نے خاتون کو گرفتار کرکے عدالت میں پیش کرنے کا اعلان کیا ہے۔ متاثرہ خواتین میں سے ایک، علاف العسعوی نے حملے کو "خوفناک اور دل دہلا دینے والا” قرار دیا۔