آیت اللہ العظمی خامنہ ای شجر کاری مہم کا اغاز کرتے ہوے

شیعہ نیوز (پاکستانی شیعہ خبر رساں ادارہ) یوم شجرکاری اور ہفتہ قومی وسائل کے موقع پر رہبر انقلاب اسلامی نے  دو پھلدار درختوں کے پودے لگائے۔

اس موقع پر رہبر انقلاب اسلامی آیت اللہ العظمی خامنہ ای نے اپنی گفتگو میں شجرکاری کو با برکت عمل قرار دیا اور ملک میں پھیلی ہوئی بیماری کے سلسلے میں کہا کہ میں پہلے بھی (کورونا وائرس کے خلاف مہم کے تعلق سے) ڈاکٹروں، نرسوں اور میڈیکل اسٹاف کا شکریہ ادا کر چکا ہوں اور ضروری سمجھتا ہوں کہ ایک بار پھر ان عزیزوں کا شکریہ ادا کروں جو اپنی انتہائی گراں قدر خدمات سے راہ خدا میں مصروف جہاد ہیں۔

آپ نے فرمایا کہ میں ڈاکٹروں، نرسوں اور طبی عملے کے تمام افراد کے اہل خانہ کا بھی شکریہ ادا کرنا ضروری سمجھتا ہوں جو صبر و تحمل کا ثبوت دیتے ہوئے اپنے ان عزیزوں کی شب و روز کی محنت میں تعاون کر رہے ہیں۔