خیانت کاروں کا غاصبوں سے دوستی جاری، بحرینی نائب وزیر خارجہ کا دورہ سعودی عرب

شیعہ نیوز (پاکستانی شیعہ خبر رساں ادارہ) خلیجی ریاست بحرین کی طرف سے صہیونی ریاست کے ساتھ دوستانہ تعلقات کو آگے بڑھانے کے جاری اقدامات کے جلو میں بحرینی نائب وزیر خارجہ نے خیانت کا مظاہرہ کرتے ہوئے اسرائیل کا چار روزہ دورہ شروع کیا ہے۔

عبرانی اخبار معاریو کے مطابق بحرین کے نائب وزیر خارجہ عبداللہ بن احمد آل خلیفہ گذشتہ روز چار روزہ دورے پر تل ابیب پہنچے۔

عبرانی اخبار کےمطابق بحرینی نائب وزیر خارجہ اسرائیلی صدر یتزحاق ہرٹرزوگ اور وزیر خارجہ یائیرلبید سے ملاقات کریں گے۔

خیال رہے کہ اسرائیلی وزارت خارجہ کے ڈائریکٹر جنرل الن اوشبیز کی قیادت میں سیاسی تعلقات کوفروغ دینے کے لیے ایک کمیٹی قائم کی گئی ہے۔ مسٹر اوشبیز بحرین اور اسرائیل کے درمیان تعلقات کو مضبوط بنانے کے لیے اقدامات کررہے ہیں۔

بحرین نے پندرہ ستمبر 2020ء کو اسرائیل کو تسلیم کرنے کا فیصلہ کیا تھا۔ یہ فیصلہ امریکی آشیر باد پر کیا گیا جسے فلسطینی قوم نے’خیانت‘ قرار دیا تھا.