سعودی اتحاد کے فوجی اڈے پر بیلسٹک میزائیل سے حملہ
شیعہ نیوز.یمن کے صوبے ماآرب میں سعودی عرب کے فوجی اتحاد کے ٹھکانوں پر بیلسٹک میزائیل سے حملہ کیا گیا ہے جس میں منصور ہادی کی خود ساختہ حکومت کے وزیر دفاع سمیت متعدد فوجی ہلاک اور زخمی ہوگئے۔
اطلاعات کے مطابق مارب میں واقع ” تداوین بیس” پر ہونے والے اس حملے ميں سعودی اتحاد کے اعلی افسران سمیت متعدد افراد ہلاک یا زخمی ہو گئے ہیں۔
ہلاک ہونے والوں میں منصور ہادی کی خود ساختہ حکومت کے وزیردفاع جنرل محمد المقدوشی اور مسلح افواج کے سربراہ صغیر بن عبد العزیر مارے گئے ہیں، تاہم ابھی تک ان دونوں افراد کی سرنوشت کے بارے ٹھیک سے کچھ معلوم نہیں ہوسکا ہے۔
بتایا جاتا ہے کہ اس حملے میں سعودی عرب کے تین اعلی فوجی افسران، احمد الکعبی ، شامی محمد العسیری اور طارق محمد المجشی زخمی ہوگئے ہیں۔
منصور ہادی اور سعودی حکام کی طرف سے ابھی تک اس حملے کے تعلق سے کوئی بیان سامنے نہيں آیا ہے۔
اس سے قبل جیزان آئل ٹرمینل کے قریب دو کشتیوں کو ریموٹ کنٹرول دھماکے ذریعے اڑائے جانے کے نتیجےمیں بڑے پیمانے آتشزدگی کی خبریں سامنے آئی تھیں، سعودی حکام نے اس واقعے کا الزام حوثیوں پر لگایا تھا۔
