یمنی میزائل حملے کے بعد بن گوریان ایئرپورٹ کی سرگرمیاں معطل

شیعہ نیوز: عبرانی ذرائع ابلاغ کے مطابق یمن کی جانب سے داغے گئے میزائل کے باعث بن گوریان ائیرپورٹ پر تمام پروازیں روک دی گئیں۔

رپورٹ کے مطابق عبرانی ویب سائٹ نے کہا ہے کہ یمن کی جانب سے ایک میزائل داغے جانے کے بعد اسرائیل کے مرکزی بن گوریان ایئرپورٹ پر تمام پروازوں کی آمد و روانگی عارضی طور پر معطل کردی گئی ہے۔

یہ بھی پڑھیں : سوات: مدرسہ میں مقتول بچے کے نانا کی پریس کانفرنس، حقیقت بیان کر دی

رپورٹ میں بتایا گیا ہے کہ سیکیورٹی خدشات کے باعث ایئرپورٹ حکام نے فوری طور پر تمام فضائی سرگرمیوں کو روک دیا ہے اور مسافروں کو متبادل انتظامات کے لیے ہدایت جاری کی گئی ہے۔

تاحال اسرائیلی فوج یا حکومتی ذرائع کی جانب سے اس میزائل حملے کے بارے میں تفصیلی بیان جاری نہیں کیا گیا اور نہ ہی ممکنہ نقصانات کی کوئی اطلاع موصول ہوئی ہے۔