پاک افغان بارڈر پردھماکا، پاک فوج کے میجر اور سپاہی شہید

شیعہ نیوز (پاکستانی شیعہ خبر رساں ادارہ) پاک افغان بارڈر پر نصب بارودی مواد کے دھماکے میں پاک فوج کے ایک میجر اور سپاہی نے جام شہادت نوش کرلیا ہے۔

پاک فوج کے شعبہ تعلقات عامہ آئی ایس پی آر کے مطابق بارڈر پر نصب بارودی مواد کے دھماکے میں میجرعدیل شاہد اورسپاہی فراز حسین شہید ہوئے ہیں۔

دیسی ساختہ مواد کا بارودی دھماکا پاک افغان بارڈر پر مہمند ڈسٹرکٹ میں ہوا۔

آئی اسی پی آر کے مطابق شہید میجر اور سپاہی پاک افغان بارڈر پر باڑ لگانے کے کام کی نگرانی کررہے تھے۔

ڈی جی آئی ایس پی آر کے مطابق دیسی ساختہ بارودی سرنگ سرحد پار سے دہشت گردوں نے نصب کی تھی۔