خون جمادینےوالی سردی! مظلومین پاراچنار کی حمایت میں ملک بھر میں احتجاجی دھرنے تیسرے روز بھی جاری
پاراچنار میں گذشتہ 7 روز سے جاری مرکزی احتجاجی دھرنے کی حمایت میں اب تک کراچی، لاہور، اسلام آباد، کوئٹہ، جھنگ، ملتان ، کندھ کوٹ، لیہ، بھکر، ڈیرہ اسماعیل خان، مظفرآباد آزادکشمیر،گلگت ، سکردو میں مستقل احتجاجی دھرنے آج تیسرے روز بھی جاری ہیں
شیعہ نیوز: پاراچنار کے گذشتہ دو ماہ سے جاری تکفیری محاصرے ، سڑکوں کی بندش، غذائی اجناس، ادوایات اور پیٹرولیم مصنوعات کی قلت سمیت طبی سہولیات کی عدم فراہمی کے سبب 100 کے قریب معصوم بچوں کی المناک شہادت کے خلاف اور اہلیان پاراچنار کی جانب سے 7 روز سے جاری احتجاجی دھرنے کے مطالبات کی حمایت میں سینیٹر علامہ راجہ ناصرعباس جعفری کی اپیل پر احتجاجی دھرنےخون جمادینے والی سردی کے باوجود ملک بھرمیں آج تیسرے روز بھی جاری ہیں۔
اطلاعات کے مطابق پاراچنار میں گذشتہ 7 روز سے جاری مرکزی احتجاجی دھرنے کی حمایت میں اب تک کراچی، لاہور، اسلام آباد، کوئٹہ، جھنگ، ملتان ، کندھ کوٹ، لیہ، بھکر، ڈیرہ اسماعیل خان، مظفرآباد آزادکشمیر،گلگت ، سکردو میں مستقل احتجاجی دھرنے آج تیسرے روز بھی جاری ہیں۔
یہ بھی پڑھیں: ہم مظلوم ضرور ہیں لیکن کمزور نہیں ہیں، علامہ احمد اقبال رضوی کا لاہور میں شرکائے دھرنا سے خطاب
ملک کے طول وعرض میں جاری شدید سردی کے باوجود ملت جعفریہ پاکستان کے جوانوں، بزرگوں، ماؤں ، بہنوں اور بچوں کا جذبہ عقیدت دیدنی ہے۔ ساتھ ہی مخیرمومنین کی جانب سے ایثاراور قربانی کے بھی ناقابل فراموش مظاہرے دیکھنے میں آرہے ہیں۔کراچی ،لاہور، اسلام آباد میں شرکائے دھرنا کیلئے گرم ملبوسات اور بستربھی بڑی تعداد میں عطیہ کیئےگئے ہیں۔
واضح رہے کہ حکومتی اور ریاستی بے حسی اور عدم توجہی کے سبب ان احتجاجی دھرنوں کا دائرہ کار اب آہستہ آہستہ ملک کے طول وعرض میں پھیلتا دکھائی دے رہا ہے ۔ خدشہ ہے کہ اس بار ہونے والے دھرنے ماضی کے تمام دھرنوں سے زیادہ پھیل سکتے ہیںجن کے سبب ہمارے نااہل حکمرانوں کے لوہے کہ کانوں پر چوٹ لگتی دکھائی دے رہی ہے
