برازیل نے غزہ میں نسل کشی پر اسرائیل پر پابندیاں عائد کر دیں
شیعہ نیوز: صہیونی جرائم کے خلاف خاموش نہیں رہ سکتے، برازیل نے صہیونی حکومت کو ہتھیاروں کی برآمد معطل اور جنوبی افریقہ کے کیس کی حمایت کا اعلان کردیا۔
رپورٹ کے مطابق برازیل نے فلسطین کے علاقے غزہ میں جاری صہیونی جرائم اور نسل کشی کے پیش نظر اسرائیل پر پابندیاں عائد کرنے کا اعلان کیا ہے۔
تفصیلات کے مطابق برازیل کے وزیر خارجہ ماورو وییرا نے کہا کہ ان کا ملک اسرائیل کی غزہ میں بربریت پر خاموش نہیں رہ سکتا۔
یہ بھی پڑھیں : یمن سے اسرائیل پر میزائل حملہ؛ بن گوریان ایئرپورٹ دوبارہ بند
وییرا کے مطابق، ان پابندیوں میں برازیل سے اسرائیل کو جنگی سازوسامان کی برآمدات کی معطلی شامل ہے، جو اس بات کا اشارہ ہے کہ برازیل اپنی اخلاقی اور انسانی ذمہ داریوں کو سنجیدگی سے لے رہا ہے۔
ماورو وییرا نے یہ بھی واضح کیا کہ برازیل ان تمام مصنوعات کی سخت جانچ پڑتال کرے گا جو مقبوضہ مغربی کنارے کی غیرقانونی صہیونی بستیوں سے درآمد کی جاتی ہیں، تاکہ انسانی حقوق اور عالمی قوانین کی خلاف ورزی میں ملوث مصنوعات کی ترسیل روکی جاسکے۔
انہوں نے مزید کہا کہ برازیل باقاعدہ طور پر جنوبی افریقہ کی جانب سے بین الاقوامی عدالت انصاف میں اسرائیل کے خلاف نسل کشی کے مقدمے کی حمایت کرتا ہے۔
