برطانیہ صہیونی جنگی جرائم اور نسل کشی کی حمایت کرتا ہے، رکن پارلیمنٹ
شیعہ نیوز: برطانوی رکن پارلیمنٹ نے کہا ہے کہ برطانوی حکومت فلسطین میں صہیونی حکومت کے جنگی جرائم اور نسل کشی کی حمایت کرتی ہے۔
رپورٹ کے مطابق برطانوی پارلیمنٹ کے مسلمان رکن اقبال محمد نے لندن حکومت پر الزام لگایا ہے کہ وہ فلسطین میں صہیونی حکومت کے جنگی جرائم اور فلسطینیوں کی نسل کشی کی حمایت کرتی ہے۔
اقبال محمد نے خبر رساں ادارے آناتولی سے بات کرتے ہوئے کہا کہ برطانوی حکومت اسرائیل کے جنگی جرائم کی حمایت کرتی ہے۔ ہم حکومت کے اس موقف کی بھرپور مخالفت کرتے ہیں۔ کے لیے حمایت پر اپنی مخالفت کا اظہار کیا۔
اقبال محمد پارلیمنٹ کے اس پانچ رکنی اتحاد کے رکن ہیں جو غزہ کی حمایت کرتا ہے۔ اس اتحاد میں لیبر پارٹی کے سابق رہنما جیریمی کوربن بھی شامل ہیں۔
یہ بھی پڑھیں : طولکرم میں اسرائیلی بزدلانہ حملے میں القسام کے چار کارکن شہید
انہوں نے کہا کہ یہ افسوسناک ہے کہ برطانوی حکومت اسرائیلی جنگی مجرموں کے ساتھ کھڑی ہے۔ جب ان جنگی جرائم کی تحقیقات ہوں گی تو برطانوی حکومت بھی شریک جرم کے طور پر جوابدہ ہوگی۔
انہوں نے غزہ اور مغربی کنارے میں بے گناہ شہریوں کے قتل عام کی مذمت کی اور ان افراد کو تنقید کا نشانہ بنایا جو ان جرائم میں ملوث ہیں۔
محمد نے برطانوی حکومت سے سوال کیا کہ غزہ میں مزید کتنے لوگ مارے جائیں گے تب جا کر برطانوی حکومت اسرائیل کے جنگی جرائم کی براہ راست یا بالواسطہ حمایت سے باز آئے گی؟
انہوں نے مزید کہا کہ یہ لوگ غزہ میں ان جرائم کو نسل کشی نہیں کہنا چاہتے، جبکہ یہ نسل کشی ہی ہے۔ وہ اسے نسلی صفائی نہیں کہتے، حالانکہ یہ نسلی صفائی ہے۔ وہ اسے قتل عام نہیں کہتے، حالانکہ یہ واضح طور پر قتل عام ہے۔
