بین الاقوامی نظام میں انصاف، احترام اور امن کا مطالبہ، علی بحرینی

شیعہ نیوز: اقوام متحدہ میں ایران کے مستقل مندوب علی بحرینی نے اقوام متحدہ کے گروپ آف فرینڈز آف دی چارٹر آف جینیوا کے اعلیٰ سطحی اجلاس میں کثیرالجہتی، بین الاقوامی قانون اور اقوام متحدہ کے چارٹر کے اصولوں پر ایران کے عزم اور انصاف، احترام اور امن پر مبنی بین الاقوامی نظام کے نفاز پر تاکید کی۔

علی بحرینی نے سوشل نیٹ ورک X پر ایک پیغام میں لکھا کہ گروپ آف فرینڈز آف دی چارٹر آف جنیوا کے اعلیٰ سطحی اجلاس میں، ہم کثیرالجہتی، بین الاقوامی قانون اور اقوام متحدہ کے چارٹر کے اصولوں کے لیے اپنے پختہ عزم کا اعادہ کرتے ہیں۔

یہ بھی پڑھیں : مسجد ابراہیمی پر قابض ریاست ناپاک صہیونی عزائم ناکام بنائے جائیں، حماس

انہوں نے کہا کہ ہم اس چارٹر پر دستخط کی 80 ویں سالگرہ کے نزدیک ہیں، آئیے ہم ایک ایسی دنیا کو فروغ دیں جو انصاف، احترام اور امن پر مبنی ہو اور جس میں ظلم اور تقسیم پر قابو پایا جاسکے۔

اقوام متحدہ کے چارٹر کے گروپ آف فرینڈز کا اجلاس ایک ایسے وقت میں منعقد ہو رہا ہے جب حالیہ برسوں میں بعض ممالک کی یکطرفہ پالیسیوں کی وجہ سے بین الاقوامی اداروں کو چیلنجز کا سامنا ہے۔

اس گروپ کے رکن کے طور پر، ایران نے ہمیشہ یکطرفہ اقدامات اور بعض عالمی طاقتوں کی جانب سے کثیرالجہتی اداروں کے کمزور کرنے کے رجحان کا مقابلہ کرنے کی ضرورت پر زور دیا ہے۔