کینیڈا امریکی اشیاء پر 25 فیصد جوابی ٹیرف لگائے گا، جسٹن ٹروڈو

شیعہ نیوز: کینیڈا کے وزیر اعظم جسٹن ٹروڈو نے "امریکی تجارتی جنگ” کے جواب میں کہا کہ ان کاملک 155 بلین ڈالر کی امریکی اشیاء پر 25 فیصد ٹیرف لگائے گا۔

رپورٹ کے مطابق کینیڈا کے وزیر اعظم جسٹن ٹروڈو نے امریکہ کی طرف سے اپنے ملک کی اشیاء پر عائد ٹیرف کے جواب میں کہا کہ امریکہ نے کینیڈا کے خلاف تجارتی جنگ شروع کر دی ہے۔

یہ بھی پڑھیں : ایران کے خلاف فوجی طاقت کے استعمال کی دھمکی مکمل طور پر ناقابل قبول ہے، اولیانوف

انہوں نے کہا کہ امریکہ کے ٹیرف آج صبح نافذ کئے گئے، کینیڈا بھی جواب میں 155 بلین ڈالر کی امریکی اشیاء پر 25 فیصد ٹیرف لگائے گا۔

جسٹن ٹروڈو نے مزید کہا کہ جب تک امریکی ٹیرف منسوخ نہیں ہو جاتے اس وقت تک ہمارے ٹیرف برقرار رہیں گے ۔

کینیڈا کا یہ فیصلہ پیر کی رات ٹرمپ کے اس اعلان کے بعد سامنے آیا ہے کہ جس میں کہا گیا تھا کہ کینیڈا اور میکسیکو کے سامان پر محصولات منگل کو لاگو ہوں گے اور ان کے ساتھ ٹیرف پر اتفاق کرنے کا کوئی وقت نہیں بچا ہے۔