سینچری ڈیل اس صدی کی سب سے بڑی خیانت ہے۔ عباس موسوی

شیعہ نیوز (پاکستانی شیعہ خبر رساں ادارہ) ایرانی محکمہ خارجہ کے ترجمان نے فلسطینیوں کیلئے امریکی نام نہاد امن منصوبے کے رد عمل میں کہا کہ یہ منصوبہ غداری کی ڈیل ہے اور اس کو شکست کا سامنا ہوگا۔

ایران کی وزارت خارجہ کے ترجمان عباس موسوی نے امریکی مسلط کردہ امن منصوبے جسے ’’سینچری ڈیل‘‘ کہا جاتا ہے کو فلسطینی عوام اور امت مسلمہ کے خلاف ’’غداری کی ڈیل‘‘ قرار دے دیا۔

انہوں نے علاقے اور دنیا کی آزاد ریاستوں سے اس بے شرمانہ اقدام کے خلاف مقابلہ کرنے کا مطالبہ کیا۔

موسوی نے مزید کہا کہ فلسطینی سرزمین فلسطینی عوام کی ہے اور ناجائزصیہونی ریاست ایک جارح ریاست ہے۔

انہوں نے مزید کہا کہ فلسطینی مسئلے کا واحد حل ایک ایسے استصواب رائے کا انعقاد ہے جس میں اس سرزمین کے تمام عوام حصہ لے کر اپنے مستقبل کا فیصلہ خود ہی کرلیں۔

ایرانی محکمہ خارجہ کے ترجمان نے کہا کہ امریکہ کے اس خصمانہ منصبوں کو شکست کا سامنا ہوگا۔

انہوں نے مزید کہا کہ ایران کے نقطہ نظر سے فلسطین اور القدس الشریف کا مسئلہ دنیائے اسلام کا سب سے اہم مسئلہ ہے۔

موسوی نے مزید کہا کہ بہت بڑی افسوس کی بات ہے کہ بعض اسلامی ممالک اس بات کو بھول چکے ہیں کہ امریکہ نے مسلمانوں کی عزت اور ان کے مستقبل کا نشانہ بنایا ہے۔

انہوں نے کہا کہ وہ دشمن کو دوست سمجھ کر 70 سالوں کیلئے یا جان بوجھ کر یا کہ اسٹریٹجک غلطی کی بنا پر انسانیت کے خلاف ناجائزصیہونی ریاست کے جرائم پر آنکھیں بند کر دیے ہیں۔

موسوی نے کہا ایران، فلسطین کے مسئلے کی عجلت اور اہمیت اور اسلامی امت کے خلاف صدی کے نام نہاد معاہدے کے پیچھے ہونے والی ایک بہت بڑی سازش کے پیش نظر، اس کے خلاف مقابلہ کرنے کیلئے تمام اسلامی ممالک کے ساتھ ہر کسی سطح پر تعاون پر تیار ہے۔