بھارت اور پاکستان صبر سے کام لیں، چین کی اپیل
شیعہ نیوز: پاکستان پر بھارت کے میزائل حملے کے بعد، چین نے دونوں ملکوں سے خودداری سے کام لینے کی اپیل کی ہے۔
چین کی وزارت خارجہ کی ترجمان نے منگل کی رات پاکستان پر بھارت کے میزائل حملے اور پاکستان کے شدید ردعمل کے بعد نئی دہلی کی فوجی کارروائی کو افسوسناک قرار دیتے ہوئے کہا کہ بیجنگ کو موجودہ حالات کی جانب سے تشویش لاحق ہے۔
یہ بھی پڑھیں : امریکہ کا موقف تبدیل ہوا ہے ہمارا نہیں!، محمد عبدالسلام
انہوں نے کہا کہ بھارت اور پاکستان ہمیشہ ہمسایہ رہے ہیں اور رہیں گے اور اسی طرح دونوں ملک چین کے ہمسایہ بھی ہیں۔
چین کی وزارت خارجہ کی ترجمان نے کہا کہ چین ہر طرح کی دہشت گردی کا مخالف ہے۔
انہوں نے دونوں فریقوں سے امن اور استحکام برقرار رکھنے کی اپیل کی اور کہا کہ اسلام آباد اور نئی دہلی خودداری کا مظاہرہ کرتے ہوئے ہر اس اقدام سے پرہیز کریں جس سے حالات کے پیچیدہ ہونے کا خدشہ پیدا ہوتا ہو۔
