چنیوٹ، لشکر جھنگوی کا ہائی پروفائل دہشتگرد گرفتار
شیعہ نیوز (پاکستانی شیعہ خبر رساں ادارہ) چنیوٹ میں سی ٹی ڈی اور حساس اداروں نے مشترکہ کاروائی کرتے ہوئے کالعدم لشکر جھگوی کے بدنام زمانہ تکفیری دہشتگرد گرفتار کر کے بھاری تعداد میں اسلحہ و گولہ بارود برآمد کر لیا۔
تفصیلات کے مطابق سی ٹی ڈی اور حساس اداروں نے پنجاب کے شہر چنیوٹ کے علاقے جھنگ روڈبائی پاس کے قریب کاروائی کرتے ہوئے ساہیوال سے تعلق رکھنے والے بدنام کالعدم دہشتگرد جماعت لشکر جھنگوی کے انتہائی مطلوب دہشتگرد خالدضیاء کو گرفتار کر لیا۔
ذرائع کے مطابق گرفتار دہشتگرد چنیوٹ اور فیصل آباد میں کسی بڑی کاروائی کی نیت سے آیا تھا۔سیکیورٹی زرائع کا کہنا ہے کہ گرفتار دہشتگرد سے بھاری تعداد میں برآمد ہونے والےاسلحے اور گولہ بارود سے اس کی متوقع کاروائی کا اندازہ لگایا جا سکتا ہے کہ وہ کسی بڑے ہدف کو حاصل کرنے کی نیت سے چنیوٹ آیا تھا۔
یاد رہے کہ گزشتہ چند دنوں کے دوران ڈیرہ غازی خان سمیت صوبہ پنجاب کے مختلف شہروں میں سی ٹی ڈی اور حساس اداروں کی جانب سے مختلف کاروائیوں کے نتیجے میں کالعدم سپاہ صحابہ اور لشکر جھنگوی کے کئی مطلوب دہشتگرد گرفتار کئے جا چکے ہیں۔
