مشرقی شام میں کرد فورسز اور الجولانی کے کارندوں کے درمیان جھڑپیں، 7 زخمی
شیعہ نیوز: شام کے شہر منبج کے نواحی علاقے میں قسد کے راکٹ حملوں اور توپ خانے کی فائرنگ سے الجولانی حکومت کے 7 افراد زخمی ہوگئے۔
رپورٹ کے مطابق الجولانی حکومت سے وابستہ ذرائع نے مشرقی شام میں کردوں کی حمایت یافتہ شامی ڈیموکریٹک فورسز اور الجولانی کی فورسز کے درمیان شدید جھڑپوں کی اطلاع دی ہے۔
تفصیلات کے مطابق الجولانی حکومت کی خبر رساں ایجنسی سانا نے رپورٹ دی ہے کہ قسد نے راکٹ لانچروں اور توپ خانے کا استعمال کرتے ہوئے مشرقی شام کے شہر منبج کے نواحی علاقے الکیاریہ پر حملہ کیا، جس کے نتیجے میں 7 افراد زخمی ہوئے۔
یہ بھی پڑھیں : مسجد الاقصی پر حملہ، 2 ارب مسلمانوں کے جذبات کو مجروح کرنا ہے، تحریک مجاہدین فلسطین
الجولانی حکومت سے وابستہ وزارت دفاع نے حملے کی تصدیق کرتے ہوئے دعویٰ کیا ہے کہ شامی ڈیموکریٹک فورسز کی جانب سے فوج کے ایک مرکز پر حملے کا بھرپور جواب دیا گیا ہے۔
وزارت دفاع نے جھڑپ کے تفصیلات یا جانی نقصان کے بارے میں کوئی وضاحت نہیں کی، تاہم کہا گیا کہ فوجی یونٹس ان علاقوں میں موجود فائرنگ کے ذرائع کا پتہ لگانے اور ان سے نمٹنے کی کوشش کر رہے ہیں، جو فوجی تعیناتی کی حدود کے قریب دیہات کو نشانہ بنا رہے ہیں۔
اسی دوران، الجزیرہ چینل نے مقامی ذرائع کے حوالے سے بتایا ہے کہ دیرالزور کے مشرقی مضافات میں قسد کے مراکز پر بیک وقت متعدد حملے کیے گئے ہیں۔
