غزہ کے مسئلے پر مجرمانہ خاموشی نے امریکہ و اسرائیل کو حوصلہ دیا، جماعت اسلامی بلوچستان
شیعہ نیوز: کوئٹہ میں مختلف وفود سے گفتگو کرتے ہوئے جماعت اسلامی بلوچستان کے رہنماء نے کہا کہ غزہ مسلمانوں کی امداد کیلئے جدوجہد جاری ہے۔
عوام امریکی اور اسرائیلی مصنوعات کا بائیکاٹ اور غزہ کے مظلوم مسلمانوں کی مدد کیلئے جاری رکھیں۔
رپورٹ کے مطابق جماعت اسلامی بلوچستان کے نائب امیر مولانا عبدالکبیر شاکر نے کہا ہے کہ فلسطین غزہ پر مظالم کے حوالے سے مسلم حکمران اور مسلم افواج کے سپہ سالاروں کی مجرمانہ خاموشی نے امریکہ اور اسرائیل کو ہمت اور حوصلہ دیا۔ جماعت اسلامی کی غزہ مسلمانوں کی امداد کیلئے جدوجہد جاری ہے۔
یہ بھی پڑھیں :پاکستان تمام فورمز پر ایران کے مفادات کا تحفظ کرے گا، خواجہ آصف
عوام امریکی اور اسرائیلی مصنوعات کا بائیکاٹ اور غزہ کے مظلوم مسلمانوں کی مدد کیلئے الخدمت فاؤنڈیشن کے ساتھ مالی تعاون کریں۔ ان خیالات کا اظہار انہوں نے کوئٹہ میں جماعت اسلامی کے دفتر میں مختلف وفود سے بات چیت کرتے ہوئے کیا۔
انہوں نے کہا کہ بلوچستان میں بدامنی، بدعنوانی اور لوٹ مار کی ذمہ دار مقتدر قوتیں، سکیورٹی ادارے اور حکمران ہیں۔ حق دو بلوچستان مہم کی کامیابی، اسلام آباد کی طرف مارچ اور کوئٹہ میں ایک لاکھ افراد کے دھرنے کیلئے امرائے اضلاع اور ذمہ دار منظم ہوکر مخلصانہ کام کر رہے ہیں۔
حقوق کے حصول کیلئے مخلصانہ اجتماعی جدوجہد کی ضرورت ہے۔ انہوں نے کہا کہ جماعت اسلامی بلوچستان کے مظلوم عوام نوجوانوں خواتین سمیت ہر مظلوم کو حقوق دلائے گی۔ عوام کی امیدیں جماعت اسلامی سے وابستہ ہیں۔ جماعت اسلامی کے قائدین کا دامن ہر قسم کی کرپشن سے پاک ہے۔
