کراچی میں سی ٹی ڈی کا آپریشن،کالعدم لشکر جھنگوی کے 4دہشت گرد گرفتار
شیعہ نیوز:سی ٹی ڈی اور حساس ادارے کی جانب سےکراچی کے علاقےسائٹ اے میں آپریشن کیا گیا جس میں کالعدم لشکر جھنگوی سے تعلق رکھنے والے 4دہشت گرد گرفتارکر لیے گئے ۔
ترجمان سی ٹی ڈی کے مطابق ملزمان میں محمد امین ،شاہنواز ،معاز خان اور یاسین خان شامل ہیں،گرفتار دہشت گردوں سے 2نائن ایم ایم ، 2ٹی ٹی پستول برآمد ہوئی ہیں،ملزمان منگھوپیر،اقبال مارکیٹ اور پاکستان بازار میں ٹارگٹ کلنگ کرتے تھے۔
سی ٹی ڈی کے مطابق ملزمان سے وارداتوں میں استعمال ہونے والا اسلحہ اور موٹر سائیکل برآمد کر لی گئی ہیں،دہشت گردوں نے اقبال مارکیٹ میں مولانا رحیم کو قتل کیا،اقبال مارکیٹ میں ہی شمیم خان کی ریکی کرکے ٹارگٹ کلنگ کی۔
ترجمان کے مطابق امین عرف منا اور شاہنواز کالعدم تنظیم کے خطرناک دہشت گرد ہیں،امین عرف منا اقدام قتل کے مقدمات میں 9سال جیل کاٹ چکاہے،جبکہ شاہنواز عرف سلیم قتل اقدام قتل میں 18ماہ جیل کاٹ چکا ہے۔
