سی ٹی ڈی کی مختلف شہروں میں کارروائیاں، 33 تکفیری وہابی دہشت گرد گرفتار

شیعہ نیوز : سی ٹی ڈی نے لاہور سمیت پنجاب کے مختلف شہروں میں انٹیلی جنس بیسڈ آپریشن کرکے داعش اور القاعدہ سمیت کالعدم تنظیموں کے 33 تکفیری وہابی دہشت گرد گرفتار کر لئے ہیں۔

لاہور سے القاعدہ کے اہم رکن سمیت 6 دہشت گرد گرفتار کئے گئے ہیں۔ سی ٹی ڈی حکام کے مطابق گرفتار دہشت گردوں میں بخت جمال، حمزہ، آیت اللہ اور فیصل شامل ہیں۔

یہ بھی پڑھیں: سیکیورٹی فورسز کا پشین میں کامیاب آپریشن، متعدد دہشتگرد ہلاک

حکام کا کہنا ہے کہ دہشت گرد کالعدم تنظیموں کے ایجنڈے پر کام کر رہے تھے، گرفتار دہشت گرد حساس مقامات کی ریکی کرکے منصوبہ بنا چکے تھے، دہشت گردوں کے قبضے سے بارودی مواد، اسلحہ، ہینڈ گرنیڈ اور رقم برآمد کی گئی ہے۔ ملزمان کیخلاف مقدمات درج کرکے تفتیش شروع کر دی گئی ہے۔