سی ٹی ڈی کی کارروائیاں، داعش کے کمانڈروں سمیت 13 تکفیری دہشتگرد گرفتار

شیعہ نیوز:دہشت گردی کے خدشات کے پیش نظر سی ٹی ڈی کی کاروائیاں جاری ہیں۔ ترجمان سی ٹی ڈی کے مطابق انٹیلی جنس بیسڈ آپریشن کے دوران داعش کے 3 اہم کمانڈرز سمیت 13 تکفیری دہشت گردوں کو گرفتار کر لیا گیا ہے۔ ترجمان کے مطابق دہشتگردوں کو لاہور، بہاول پور، گوجرانوالہ، راولپنڈی، چینوٹ، قصور، ملتان اور منڈی بہاوالدین سے گرفتار کیا گیا ہے، یہ دہشت گرد حملوں کی خطرناک منصوبہ بندی کر رہے تھے۔ترجمان سی ٹی ڈی کا مزید کہنا ہے کہ دہشت گردوں سے بارودی مواد، ڈیٹو نیٹر، آئی ای ڈی بم، حفاظتی فیوز اور نقدی برآمد ہوئی ہے۔ گرفتار ہونیوالے دہشتگردوں کی شناخت جلات خان، جنت خان، کشف رسول، غلام رحمان، اسرار، نذیر، عبدالسلام، عامر، اسد، امیر اور انور کے نام سے ہوئی ہے۔ دہشت گردوں کیخلاف مقدمات درج کرکے تفتیش کی جا رہی ہے۔ سی ٹی ڈی حکام کے مطابق رواں ہفتے339 کومبنگ آپریشنز کے دوران 34 مشتبہ افراد گرفتار کیے، کومبنگ آپریشنز میں 4 ہزار 113 افراد سے پوچھ کچھ کی گئی۔