امریکی صدر ٹرمپ کے دورہ ترکی میں روسی صدر رکاوٹ کا باعث بن گئے؟

شیعہ نیوز: روس کے صدر کے ایک فیصلے نے امریکی صدر ٹرمپ کو دورہ ترکی سے روک دیا۔

تاس خبر رساں ایجنسی کی رپورٹ کے مطابق امریکی صدر ڈونلڈ ٹرمپ روس یوکرین مذاکرات میں شرکت کرنے کے لیے ترکی کا دورہ نہیں کریں گے۔

اس رپورٹ کے مطابق، ٹرمپ نے ترکی میں مذاکرات کیلئے روسی صدر ولادیمیر پوتین کی طرف سے ماسکو کے وفد کے اعلان کے بعد اور روسی صدر کی عدم شرکت کے بعد ترکی کے دورے میں عدم دلچسپی ظاہر کی۔

یہ بھی پڑھیں : اسرائیل غزہ میں خوراک کی کمی کو سیاسی ہتھیار کے طور پر استعمال کر رہا ہے، کینیڈا

ڈونلڈ ٹرمپ نے اس سے پہلے استنبول میں ہونے والے روس یوکرین مذاکرات میں شرکت کرنے کی حامی بھری تھی تاہم روسی وفد کی قیادت کریملن کے مشیر ولادیمیر میڈنسکی کی جانب سے کرنے کے اعلان کے بعد امریکی صدر نے ترکی نہ جانے کا فیصلہ کیا۔

روس کے وفد کے دیگر ارکان میں نائب وزیر خارجہ میخائل گالوزین، مسلح افواج کے مرکزی ڈائریکٹریٹ آف جنرل اسٹاف کے چیف ایگور کاسٹیوکوف اور نائب وزیر دفاع الیگزینڈر فومین شامل ہیں۔

ترکی میں یہ مذاکرات بند دروازوں کے پیچھے ہو رہے ہیں۔