ڈی آئی خان میں پولیس چوکی پرتکفیری وہابی دہشت گردوں کا حملہ، 5 اہل کاروں سمیت 7 افراد زخمی

شیعہ نیوز : خیبر پختونخوا کے علاقہ ٹانک میں پولیس چوکی پر تکفیری وہابی دہشت گردوں کے حملے میں 5 اہل کاروں سمیت 7 افراد زخمی ہو گئے۔ ذرائع کے مطابق ٹانک میں پولیس چوکی پر حملہ ہوا، جس میں نامعلوم مسلح افراد نے گل امام چوکی کو نشانہ بنایا، واقعے میں پانچ پولیس اہل کاروں سمیت 7 افراد زخمی ہوئے۔

یہ بھی پڑھیں: ضلع کرم میں جاری کشیدگی قابو نہ ہوئی تو پورا خطہ فرقہ واریت کی آگ میں جل سکتا ہے

چوکی پر حملے کی اطلاع ملتے ہی پولیس کی بھاری نفری کو جائے وقوع کی جانب روانہ کیا گیا۔ ابتدائی اطلاعات کے مطابق پولیس اہل کاروں کے علاوہ زخمی ہونے والوں میں مرغیاں لے جانے والی گاڑیوں کے ڈرائیور بھی شامل ہیں ، جنہیں ٹانک اسپتال منتقل کردیا گیا ہے۔ جب کہ تشویش ناک حالت کے زخمیوں کو ڈیرہ اسماعیل خان ریفر کیا گیا ہے۔