الجولانی اور صہیونی حکومت کے درمیان مذاکرات کا انکشاف
شیعہ نیوز: شام پر قابض تکفیری گروہ کے سربراہ نے صہیونی حکومت کے ساتھ بالواسطہ مذاکرات کی تصدیق کی ہے۔
رپورٹ کے مطابق شام پر قابض تکفیری گروہ تحریر الشام کے سربراہ ابو محمد الجولانی نے انکشاف کیا ہے کہ اسرائیل کے ساتھ بالواسطہ مذاکرات جاری ہیں، جن کا مقصد دونوں فریقوں کے درمیان کشیدگی میں کمی لانا ہے۔
الجولانی نے عرب میڈیا کو انٹرویو میں بتایا کہ یہ مذاکرات بعض ثالثوں کے ذریعے انجام پارہے ہیں، تاہم انہوں نے ان ثالثوں کی شناخت ظاہر نہیں کی۔
یہ بھی پڑھیں : بھارتی حملے کے پہلے ننھے شہید ارتضیٰ عباس طوری کی نماز جنازہ ادا،صدر، وزیر اعظم ، آرمی چیف ودیگر کی شرکت
انہوں نے مزید کہا کہ وہ ان ممالک کے ساتھ رابطے میں ہیں جو اسرائیل کے ساتھ تعلقات رکھتے ہیں، تاکہ وہ تل ابیب کو شام کی فضائی خودمختاری کی خلاف ورزی اور حملے روکنے پر مجبور کریں۔
یہ بیانات ایک ایسے وقت میں سامنے آئے ہیں جب حالیہ ہفتوں کے دوران اسرائیل نے شام میں اپنے فضائی حملے تیز کر دیے ہیں۔
