ہالینڈ اور جرمن پولیس کی فلسطین کی حمایت میں جاری طلبہ مظاہروں پر چڑھائی
شیعہ نیوز: ہالینڈ اور جرمن پولیس نے غزہ میں فلسطینی عوام کے دفاع میں برلن یونیورسٹی کے طلباء کے مظاہروں کو تشدد کے ذریعے کچلنے کی کوشش کی۔
اسپوتنک نیوز نے بتایایا ہے کہ فلسطین کے دفاع میں دنیا کے مختلف ممالک کے طلباء کے مظاہروں اور اجتماعات کے بعد برلن یونیورسٹی کے طلباء نے بھی غزہ کی پٹی میں صیہونی حکومت کے جرائم کی مذمت کرتے ہوئے احتجاج کیا۔
تاہم جرمن سکیورٹی فورسز کی فلسطین کے حامی مظاہرین کے ساتھ پرتشدد جھڑپیں ہوئیں اور پولیس نے انہیں مار پیٹ کے ذریعے منتشر کرنے کی کوشش کی۔
یہ بھی پڑھیں : فلسطین میں صہیونی حکومت انسانی حقوق کی دھجیاں اڑا رہی ہے، وحدت اسلامی کانفرنس
دوسری جانب ہالینڈ کی پولیس نے ایمسٹرڈم یونیورسٹی میں فلسطین کے حامی طلباء پر لاٹھی چارج کیا ہے۔
روئٹرز کی رپورٹ کے مطابق ایمسٹرڈم یونیورسٹی میں فلسطین کے حامی طلباء نے بینچوں، لکڑی کے تختوں اور اینٹوں سے رکاوٹیں کھڑی کر رکھی تھیں اور انہوں نے آگ بجھانے والے آلات کے ذریعے پولیس کو کارروائی کرنے سے روکنے کی کوشش کی ، لیکن پولیس نے ان پر ڈنڈے برسائے اور ان کی کھڑی کردہ رکاوٹوں کو ہٹا دیا۔ جن سینکڑوں مظاہرین کو پولیس نے یونیورسٹی کیمپس سے باہر نکال دیا تھا انہوں نے آس پاس کی سڑکوں پر نعرے لگائےاور پولیس کو مخاطب کر کے نعرہ لگایا کہ تمہیں شرم آنی چاہئے۔
منگل کے دن بھی ایمسٹرڈم یونیورسٹی میں متعدد مظاہرین اور پولیس کے درمیان جھڑپ ہوئی تھی۔ پولیس نے ایک سو انہتر مظاہرین کو گرفتار کر لیا تھا۔
غزہ پٹی پر غاصب صیہونی حکومت کے وحشیانہ حملوں کو سات مہینے ہوچکے ہیں اس دوران عالمی سطح پر صیہونی حکومت کے مظالم کی مذمت اور فلسطینیوں کی حمایت کا سلسلہ جاری رہا اور اب ان کا دائرہ دنیا بھر کی یونیورسٹیوں تک پھیل چکا ہے۔
