شہید حسن نصر اللہ اور شہید صفی الدین کے تابوتوں کی ابتدائی تصاویر

شیعہ نیوز: مقاومت نے شہید حسن نصر اللہ اور شہید ہاشم صفی الدین کے تابوتوں کی ابتدائی تصاویر جاری کی ہیں۔

رپورٹ کے مطابق لبنانی مقاومت نے لبنانی ذرائع ابلاغ میں پہلی مرتبہ شہید حسن نصر اللہ اور شہید ہاشم صفی الدین کے تابوتوں کی تصاویر جاری کی ہیں۔

حزب اللہ نے اتوار 23 فروری کو سید مقاومت شہید حسن نصر اللہ اور شہید صفی الدین کی تشییع جنازہ کا اعلان کیا ہے۔

یہ بھی پڑھیں : دیامر کے عوام کہیں تو ہم سکردو میں دھرنا دینے کو تیار ہیں، سید علی رضوی

دوسری جانب شہید مقاومت حسن نصر اللہ کی تشییع جنازہ میں شرکت کے لئے مختلف ممالک سے وفود کی بیروت آمد کا سلسلہ جاری ہے۔

، حزب اللہ نے شہید مقاومت سید حسن نصر اللہ کی تشییع جنازہ اتوار کے روز کرنے کا اعلان کیا ہے۔ تنظیم کے اس اعلان کے بعد دنیا کے مختلف ممالک سے سرکاری اور غیر سرکاری وفود نے شرکت کا اعلان کیا ہے۔

اس سلسلے میں یمن، عراق، تیونس، موریتانیہ، ترکی اور ایران سمیت مختلف ممالک کے سرکاری وفود بیروت پہنچے ہیں تاکہ شہید سید حسن نصر اللہ اور سید ہاشم صفی الدین کے جنازے میں شرکت کرسکیں۔

میڈیا نے ان مناظر کی تصاویر بھی جاری کی ہیں جن میں مختلف ممالک کے سرکاری وفود کو بیروت کے رفیق الحریری بین الاقوامی ہوائی اڈے پر پہنچتے ہوئے دکھایا گیا ہے، جہاں وہ سید حسن نصر اللہ اور سید ہاشم صفی الدین کے جنازے میں شرکت کے لیے پہنچے ہیں۔