مصر اور اردن کے سربراہان مملکت کا ٹیلی فونک رابطہ، غزہ کی صورت حال پر تبادلہ خیال
شیعہ نیوز: مصر اور اردن کے سربراہان مملکت نے ایک ٹیلی فونک بات چیت کے دوران غزہ کی صورت حال پر تبادلہ خیال کیا۔
رپورٹ کے مطابق، مصری ایوان صدر کے ترجمان محمد الشناوی نے صدر عبدالفتاح السیسی اور اردنی شاہ عبداللہ دوم کے درمیان ٹیلی فونک فونک بات چیت سے آگاہ کیا۔
انہوں نے مزید کہا کہ دونوں سربراہوں نے فلسطین کی موجودہ صورت حال، غزہ میں جنگ بندی کے حصول کی کوششوں اور انسانی امداد کی ترسیل پر تبادلہ خیال کیا۔
یہ بھی پڑھیں : مراکش: دارالبیضاء کی بندرگاہ پر صیہونی حامی جہازوں کے ڈاکنگ کے خلاف احتجاج
اس موقع پر فریقین نے فلسطینیوں کو ان کی سرزمین سے بے دخل کرنے کی کسی بھی کوشش کی سخت مخالفت پر زور دیا۔
الشیناوی نے کہا کہ مصری صدر اور اردن کے بادشاہ نے اس بات پر زور دیا کہ 1976 کی سرحدوں پر مبنی ایک آزاد فلسطینی ریاست کا قیام جس کا دارالحکومت بیت المقدس ہو، مشرق وسطیٰ کے خطے میں پائیدار امن و استحکام کی واحد ضمانت ہے۔
انہوں نے مزید کہا: عبدالفتاح السیسی اور عبداللہ دوم نے مصر اور اردن کے درمیان دوطرفہ تعلقات کو مضبوط بنانے کے طریقوں پر تبادلہ خیال کیا تاکہ دونوں ممالک کے درمیان اسٹریٹجک شراکت داری کو فروغ دیا جا سکے۔
