امریکی معیشت کے دیوالیہ ہونے کا امکان، ایلون مسک

شیعہ نیوز: غیر ملکی میڈیا کی رپورٹ کے مطابق ایلون مسک نے ایک انٹرویو میں کہا ہے کہ امریکہ کا قومی قرض چھتیس اعشاریہ سترہ ٹریلین ڈالر ہو چکا ہے جو کافی خطرناک ثابت ہو سکتا ہے، اگر مناسب اقدامات نہ کیے گئے تو امریکی معیشت دیوالیہ ہو سکتی ہے۔

ان کا کہنا تھا کہ امریکی حکومت کی جانب سے تئیس فیصد سود ادائیگی ایک پریشان کن چیز ہے اور اس میں بدستور اضافہ ہو رہا ہے۔ اس سے قبل بھی ایک بیان میں وہ کہہ چکے ہیں کہ امریکی ڈالر تباہی کی طرف بڑھ رہا ہے۔

یہ بھی پڑھیں : اسرائیلی فوج کی لبنان میں دراندازی، کئی مکانات کو آگ لگا دی

دوسری جانب نو منتخب امریکی صدر ٹرمپ کے مشیروں اور ان کے سب سے بڑے حامی ایلون مسک کے درمیان شدید اختلافات سامنے آ گئے ہيں۔ ایلون مسک نے اپنے کچھ ریپبلکن مخالفین کو شیطان اور نافرمان نسل پرست قرار دے دیا۔

ایلن مسک نے غیر ملکی ٹیک ورکرز کے لیے ایچ- ون بی ویزا پروگرام کے دفاع کے لیے لڑائی میں جانے کا عزم ظاہر کردیا ہے اور گزشتہ اڑتالیس گھنٹوں کے دوران ریپبلکن پارٹی کے اندر پھوٹ ڈالنے والی یہ لڑائی اب ایک اہم موڑ پر پہنچ گئی ہے۔