غزہ میں داخل ہونے سے جنگ دشمن کے لئے ایک بڑے سانحے میں تبدیل ہوجائے گی، حماس

شیعہ نیوز:لجزیرہ چینل کے مطابق صالح العاروی نے جمعرات کو ایک تقریر میں اعلان کیا کہ مغرب ہم پر انسانیت کے خلاف جرائم کا الزام لگاتا ہے لیکن تحریک حماس کے مکتب میں عام شہریوں کو نشانہ بنانے کی کوئی جگہ نہیں ہے۔

انہوں نے کہا کہ ہمیں اطلاع ملی تھی کہ صہیونی، یہودیوں کی عیدوں کے بعد ہم پر حملہ کرنے کی تیاری کر رہے ہیں لہذا ہم نے غزہ کے آس پاس صیہونی حکومت کے فوجیوں پر حملہ کر کے اچانک حملہ کیا اور دشمن کی فوج کو تباہ کردیا۔

واضح رہے کہ فلسطین کی اسلامی مزاحمتی تحریک حماس نے غاصب اسرائیل کی جارحیت کے جواب میں ہفتہ 7 اکتوبر کو "طوفان الاقصی” آپریشن شروع کیا جس میں غاصب صیہونی حکومت کو بھاری جانی و مالی نقصان ہوا ہے۔