صدر پزشکیان کے دورہ تاجکستان سے باہمی تعلقات کو فروغ ملے گا، وزیر خارجہ عراقچی
شیعہ نیوز :ایران کے وزیر خارجہ نے کہا کہ صدر پزشکیان کا تاجکستان کا آئندہ دورہ دونوں ممالک کے درمیان تعاون کو وسعت دینے کا بہترین موقع ہوگا۔
رپورٹ کے مطابق، دوشنبہ میں ایران کے سفیر علی رضا حقیقیان نے تہران میں وزیر خارجہ عباس عراقچی کو صدر پزشکیان کے دورہ تاجکستان سے متعلق رپورٹ پیش کی۔
اس دوران وزیر خارجہ عراقچی نے دونوں ممالک کے درمیان تعلقات کو وسعت دینے کی کوششوں کی تازہ ترین صورت حال اور صدر پزشکیان کے آئندہ دورے کو کامیاب بنانے کی تیاریوں کا جائزہ لیا۔
یہ بھی پڑھیں : غزہ اور غرب اردن پر صہیونی فورسز کے حملے، مزید 28 شہید، متعدد زخمی
انہوں نے ایران کی خارجہ پالیسی میں تاجکستان کی اہمیت کا حوالہ دیتے ہوئے کہا: دونوں ممالک کے درمیان گہرے تاریخی، ثقافتی، تہذیبی اور لسانی رشتوں کے علاوہ اقتصادی اور تجارتی صلاحیتں موجود ہیں۔
ایرانی وزیر خارجہ نے کہا کہ صدر پزشکیان کے دورہ تاجکستان سے دوطرفہ تعلقات کو فروغ ملے گا۔
انہوں نے اس دورے سے بھرپور فائدہ اٹھانے کے لیے تمام ضروری انتظامات کی ضرورت پر بھی زور دیا۔
