فرانس، صہیونی کمپنیوں کو نمائش میں شرکت کی اجازت نہیں ملی
شیعہ نیوز :فرانس نے اسرائیلی کمپنی کو بحری مصنوعات کی نمائش میں شرکت کی اجازت دینے سے انکار کردیا۔
رپورٹ کے مطابق، فرانس نے صہیونی کمپنیوں کو بحری مصنوعات کی نمائش میں شرکت کی اجازت دینے سے انکار کردیا ہے۔
صہیونی ٹی وی نے اس حوالے سے انکشاف کیا ہے کہ آئندہ مہینے فرانس میں بحری مصنوعات کی نمائش منعقد کی جائے گی۔ فرانسیسی حکام نے اسرائیلی کمپنیوں کو شرکت کی اجازت دینے سے معذوری ظاہر کی ہے۔
یہ بھی پڑھیں : بینظیر کو قتل کرنے کیلئے مجھے دبئی بلوایا گیا، اسماعیل ڈاہری کا انکشاف
فرانسیسی صدر میکرون کی جانب سے اسرائیل کو ہتھیاروں کی فراہمی بند کرنے کے اعلان کے بعد پیرس اور تل ابیب کے تعلقات کشیدہ ہوگئے ہیں۔
فرانسیسی صدر نے مغربی ممالک سے مطالبہ کیا تھا کہ اسرائیل کو ہتھیار دینے کا سلسلہ روک دیا جائے۔ انہوں نے جھڑپوں کو ایک غلطی قرار دیتے ہوئے کہا تھا کہ لبنان دوسرا غزہ بن سکتا ہے۔
دوسری جانب صہیونی وزیراعظم نتن یاہو نے میکرون کے بیان پر سخت تنقید کی تھی۔
