صیہونی فوج کی غزہ میں تازہ بمباری، مزید 40 فلسطینی شہید

شیعہ نیوز: اسرائیلی فوج نے غزہ میں بےگھر فلسطینیوں کی پناہ گاہ بنے ہوئے اسکولوں پر بم برسا دیئے۔ اس وحشیانہ اسرائیلی بمباری سے صبح سے اب تک 40 سے زیادہ فلسطینی شہید ہوگئے۔ ڈرون حملے سے الاقصٰی شہداء اسپتال کے صحن میں بےگھر افراد کے خیموں کو آگ لگ گئی۔ ادھر دوسری جانب یمن کے حوثی گروپ نے صعدہ صوبے میں امریکی ڈرون مار گرانے کا دعویٰ کیا ہے، خیلج عدن میں بھی بحری جہاز کو بیلسٹک میزائل سے نشانہ بنایا۔ علاوہ ازیں عیسائیوں کے روحانی پیشوا پوپ فرانسس نے مشرق وسطیٰ میں بڑھتی ہوئی کشیدگی پر تشویش کا اظہار کیا ہے۔ انہوں نے ایک بار پھر غزہ میں جنگ بندی کا مطالبہ کیا اور کہا کہ جنگ شکست ہے، مشرق وسطیٰ تنازعات کے حل کے لیے مذاکرات کیے جائیں۔