شہید حسن نصر اللہ کی تشییع جنازہ، امریکی سفارت خانے کی وارننگ

شیعہ نیوز: لبنان میں امریکی سفارت خانے نے اپنے شہریوں کو شہید حسن نصر اللہ کی تشییع جنازہ کے موقع پر عوامی اجتماع سے دور رہنے کی ہدایت کی ہے۔

رپورٹ کے مطابق بیروت میں امریکی سفارت خانے نے لبنان میں موجود اپنے شہریوں کو خبردار کیا ہے کہ وہ حزب اللہ کے شہید سیکریٹری جنرل سید حسن نصر اللہ کے جنازے کی تقریب کے دوران مخصوص علاقوں میں جانے سے گریز کریں۔

یہ بھی پڑھیں : اسرائیل پر ہتھیاروں کی پابندی لگائی جائے، 250 بین الاقوامی تنظیموں کا مطالبہ

النشرہ کے مطابق بیان میں سفارت خانے نے اپنے شہریوں کو ہدایت دی ہے کہ وہ 23 فروری 2025 کو بیروت کے بئر حسن علاقے اور بین الاقوامی ہوائی اڈے کے قریب جانے سے پرہیز کریں۔

دوسری جانب لبنانی ذرائع ابلاغ نے کہا ہے کہ شہید سید حسن نصر اللہ کے جنازے کے دوران بیروت کے بین الاقوامی ہوائی اڈے پر پروازیں معطل رہیں گی۔

یاد رہے کہ حزب اللہ نے صہیونی حکومت کی طرف سے جارحیت کے خطرات کو نظر انداز کرتے ہوئے اعلان کیا ہے کہ 23 فروری کو شہید سید حسن نصر اللہ اور شہید ہاشم صفی الدین کی تشییع جنازہ ہوگی۔