غزہ میں وحشتناک حالات کا سامنا ہے، فن لینڈ کے صدر کا نئے سال کے موقع پر پیغام

شیعہ نیوز: فن لینڈ کے صدر نے نئے سال کے موقع پر فلسطین میں صہیونی جارحیت پر تشویش کا اظہار کرتے ہوئے کہا ہے کہ غزہ میں حالات نہایت ہی تشویشناک ہیں۔

رپورٹ کے مطابق فن لینڈ کے صدر ساولی نینسیتو نے نئے سال کے موقع پر اپنے پیغام میں فلسطینی بے گناہ عوام کے خلاف اسرائیلی جارحیت پر تشویش کا اظہار کرتے ہوئے کہا ہے کہ غزہ میں عوام کو شدید مشکلات اور وحشتناک مناظر کا سامنا ہے۔

یہ بھی پڑھیں : دن کے اندر 71 گاڑیاں تباہ، 16 صہیونی فوجی ہلاک کردیے، ابو عبیدہ

انہوں نے اپنے پیغام میں مزید کہا ہے کہ غزہ کے جنگی حالات کا اثر پوری دنیا میں محسوس کیا جارہا ہے۔ غزہ میں بے گناہ عوام صہیونی حملوں کا شکار ہورہے ہیں۔ فوری جنگ بندی ضروری ہے۔

یاد رہے کہ نئے سال کے آغاز کے موقع پر صہیونی حکومت نے بربریت کا مظاہرہ کرتے ہوئے غزہ پر زمینی اور فضائی حملوں میں تیزی لائی ہے۔

فلسطینی وزارت صحت کے ترجمان اشرف القدرہ نے اس حوالے سے کہا ہے کہ صہیونی حملوں کے نتیجے میں شہادتوں میں مسلسل اضافہ ہورہا ہے۔ اب تک غزہ میں 21978 افراد شہید اور 57 ہزار سے زائد زخمی ہوچکے ہیں۔