غزہ غاصب صیہونیوں کے قبرستان میں تبدیل ہو گیا، عزت الرشق

شیعہ نیوز: فلسطین کی تحریک حماس کے رہنما عزت الرشق نے کہا کہ فلسطین کی تحریک استقامت سے صیہونی فوج کو کاری ضرب لگی ہے۔

ارنا کی رپورٹ کے مطابق فلسطین کی تحریک حماس کے رہنما عزت الرشق نے غزہ میں ایک دن میں دسیوں صیہونی فوجیوں کی ہونے والی ہلاکتوں کی طرف اشارہ کرتے ہوئے کہا کہ جنگ کے آغاز میں کہا جا چکا ہے کہ غزہ کو غاصبوں کے قبرستان میں تبدیل کر دیا جائے گا۔

یہ بھی پڑھیں : یمنی فوج بحیرہ احمر میں کارروائی کے لئے خودمختار ہے، ایڈمرل تنگسیری

عزت الرشق نے اس بات کا ذکر کرتے ہوئے کہ جنگ غزہ کا کوئی بھی صیہونی مقصد پورا نہیں ہوا ہے، کہا کہ اس جنگ کا نتیجہ پہلے ہی دن لکھا جا چکا ہے۔

واضح رہے کہ اس حقیقت کا صیہونی ذرائع نے بھی اعتراف کیا ہے کہ فلسطین کی تحریک استقامت سے صیہونی فوج کو کاری ضرب پہنچی ہے اور القسام نے غزہ میں ایک ہی دن میں دسیوں صیہونی فوجیوں کو ہلاک و زخمی کر دیا۔