مشرق وسطی

غزہ میں فلسطینیوں کے ڈرون کی پرواز پر اسرائیل میں کھلبلی

شیعہ نیوز (پاکستانی شیعہ خبر رساں ادارہ) اسرائیلی حکام کا کہنا ہے کہ جنوبی غزہ کی فضائی حدود سے اسرائیل کی طرف متعدد ڈرون طیاروں نے پرواز کی مگر وہ بہ حفاظت واپس لوٹ آئے۔ اسرائیلی ذرائع ابلاغ کے مطابق فلسطینیوں کے ڈرون طیاروں نے اسرائیل میں خوف و ہراس پیدا کر دیا۔

عبرانی اخبار’’یدیعوت احرونوت‘‘ کی طرف سے جاری کردہ رپورٹ میں کہا گیا ہے کہ دو چھوٹے ڈرون غزہ کی پٹی کی سرحد سے اسرائیل کی طرف داخل ہونے کے ساتھ ہی واپس آ گئے۔ ان ڈرون کی وجہ سے اگرچہ اسرائیل کی سلامتی کو کوئی خطرہ نہیں تھا تاہم اس کے باوجود صیہونی آباد کاروں میں خوف وہراس پھیل گیا تھا۔

ادھر اسرائیل کے ایک دوسرے ابلاغی ادارے ’’مفزاک لائیو‘‘ کے مطابق بدھ کو فلسطینیوں نے شمالی غزہ میں حد فاصل کے قریب اسرائیلی فوج پر سنگ باری کی تاہم اس کے نتیجے میں کسی قسم کے جانی نقصان کی اطلاع نہیں ملی۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button