بحیرہ عرب میں امریکی بحری کشتیوں پر حملہ کیا، جنرل یحیی سریع

شیعہ نیوز: یمنی فوجی ترجمان نے بحیرہ عرب اور خلیج عدن میں امریکی بحری ڈسٹرائر اور کشتیوں پر حملے کا دعویٰ کیا ہے۔

المسیرہ نے کہا ہے کہ یمنی فوج کے ترجمان میجر جنرل یحیی سریع نے یمن کی سمندری حدود کے نزدیک امریکی فوجی تنصیبات پر حملوں کا دعویٰ کیا ہے۔

انہوں نے کہا کہ اللہ کی مدد سے یمنی فوج نے امریکی بحریہ کے خلاف کاروائی کرتے ہوئے ایک ڈسٹرائر اور تین کشتیوں کو ہدف بنایا ہے۔

یہ بھی پڑھیں : یورپی ممالک کے الزامات مسترد، جوہری پروگرام پرامن ہے، ایران

جنرل سریع نے کہا کہ حملوں کا ہدف بننے والی امریکی کشتیوں میں Mearsk, Stena impeccable Saratoga اور Liberty Grace شامل ہیں۔

انہوں نے کہا کہ حملوں میں 16 بلیسٹک، کروز میزائل اور ڈرون طیارے استعمال کیے گئے۔ میزائلوں اور ڈرون طیاروں نے اہداف کو کامیابی کے ساتھ نشانہ بنایا۔

جنرل یحیی سریع نے یمنی فوج کے موقف کا اعادہ کرتے ہوئے کہا کہ غزہ کے مظلوم فلسطینیوں پر صہیونی مظالم ختم ہونے تک امریکی اور صہیونی تنصیبات پر حملے جاری رہیں گے۔