ملت تشیع کے علما اور عزاداران کے خلاف حکومتی اقدامات انتہائی افسوس ناک ہیں, علامہ احمداقبال رضوی

شیعہ نیوز: معروف عالم دین و خطیب اہل بیتؑ علامہ شہنشاہ حسین نقوی کی نظر بندی پر مجلس وحدت مسلمین کی شدید مذمت، ایم ڈبلیوایم کے مرکزی ڈپٹی سیکریٹری جنرل علامہ سید احمد اقبال رضوی نے اپنے مذمتی بیان میں کہا کہ طے شدہ منصوبے کے تحت ملک کو انتشار کی طرف لے جایا جا رہا ہے۔ ملت تشیع کے علما اور عزاداران کے خلاف حکومتی اقدامات انتہائی افسوس ناک ہیں۔لامہ سید احمد اقبال رضوی نے مزید کہا کہ قانون نافذ کرنے والے اداروں کا آئینی اختیارات سے تجاوز باعث تشویش ہے۔انہوں نے کہاکہ علامہ شہنشاہ حسین نقوی کی اتحاد بین المسلمین کے کوششیں کسی سے ڈھکی چھپی نہیں، ان کو سننے والوں میں فقط شیعہ کی نہیں اہل سنت کی بھی بڑی تعداد شامل ہے ، علامہ شہنشاہ نقوی کو فوری رہا کیا جائے۔