کراچی کے علاقے انچولی میں شیعہ ٹارگیٹ کلنگ، حیدر رضا شہید

شیعہ نیوز: گزشتہ شب کراچی کے علاقے انچولی میں واقع کوئٹہ ہوٹل پر بائیک سوار تکفیری دہشتگردوں نے پاکستان آفیسرز ویلفئر ایسوسی ایشن ( رجسٹرڈ) نیشنل بینک آف پاکستان کے سکریٹری جرنل اسد اعجاز کے بہنوئی حیدر رضا کو فائرنگ کر کے شہید کر دیا۔

یہ بھی پڑھیں: قوم کی حمایت سے دھشتگردی کو جڑ سے اکھاڑ پھینکیں گے، محسن نقوی

ایس ایس پی سینٹرل ذیشان شفیق صدیقی کے مطابق دھشتگردوں کی فائرنگ سے رضوان نامی ایک راہ گیر بھی زخمی ہوا، ذیشان شفیق صدیقی کے مطابق تین دھشتگرد ہوٹل پر فائرنگ کرکے فرار ہوئے جبکہ مقتول اور زخمی سے کوئی لوٹ مار کا واقعہ پیش نہیں آیا۔ ایس ایس پی سینٹرل کے مطابق ابتدائی طور پر فائرنگ کا واقعہ ٹارگیٹ کلنگ لگتا ہے۔