البانیز پر پابندی لگانا، اسرائیلی جرائم میں امریکی مشارکت کی نشاندہی کرتا ہے، حماس

شیعہ نیوز: فلسطین کی اسلامی مزاحمتی تحریک حماس نے اقوام متحدہ کی خصوصی رپورٹر فرانچسکا البانیز پر پابندی لگانے کو اسرائیلی جرائم میں امریکی مشارکت کی نشاندہی قرار دیا ہے۔

رپورٹ کے مطابق حماس نے ایک بیان جاری کرکے کہا ہے کہ امریکہ نے فلسطین کے امور میں اقوام متحدہ کی خصوصی رپورٹر فرانچسکا البانیز پر پابندی لگا کرظاہر کردیا ہے کہ واشنگٹن غاصب صیہونی حکومت کے جنگی جرائم میں شریک ہے۔

یہ بھی پڑھیں : سنجل میں صہیونی آبادکاروں کا خونی دھاوا، دو فلسطینی شہید، متعدد زخمی

حماس نے اپنے بیان میں کہا ہے کہ البانیز پر پابندی لگانا، بین الاقوامی اداروں اور ان کے نمائندوں کی توہین ہے۔

حماس کے بیان میں کہا گیا ہے کہ امریکہ نے اقوام متحدہ کی خصوصی رپورٹر فرانچسکا البانیز پر پابندی لگاکر یہ بھی ظاہر کردیا ہےکہ غزہ میں انسانی المیہ کے بارے میں بین الاقوامی اداروں کی رپورٹوں کو وہ کوئی اہمیت نہيں دیتا۔