اسرائیلی جارحیت کیخلاف ایران کی حمایت میں حماس کا بیانیہ

حماس نے بیان میں کہا ہے کہ اس جارحیت کے نتیجے میں پیدا ہونے والی تمام ذمہ داری، جو کہ امریکہ کی حمایت سے کی گئی ہے، مکمل طور پر اسرائیلی حکومت پر عائد ہوتی ہے، یہ حملے ایک بار پھر اسرائیلی حکومت کی مجرمانہ نوعیت کو اجاگر کرتے ہیں، ایسی حکومت جو غزہ، لبنان اور دیگر عرب اور اسلامی ممالک میں بے گناہ شہریوں کا خون بہانے کا سلسلہ جاری رکھے ہوئے ہے اور جو امریکی اور بعض مغربی حکومتوں کی فوجی اور سیاسی حمایت سے فائدہ اٹھا رہی ہے۔

حماس نے کہا ہے کہ ہم اسلامی جمہوریہ ایران کی تیاری اور اس کی فضائی دفاعی قوت کی اس حملے کے خلاف مزاحمت کی تعریف کرتے ہیں اور یہ واضح کرتے ہیں کہ یہ مزاحمت، اسرائیلی اور امریکی تسلط کے خلاف آزاد قوموں کے موقف کو مضبوط کرتی ہے، ہم ایک بار پھر ایران کی استکباری اور اسرائیلی حکومت کے خلاف جدوجہد میں یکجہتی اور حمایت کا اعلان کرتے ہیں اور فلسطینی قوم کے حق کے دفاع میں ایران کی قیادت اور عوام کی بہادری کے موقف کی تعریف کرتے ہیں۔