حماس کی اسیران کے خلاف صیہونی انتقامی کارروائیوں کی شدید مذمت

شیعہ نیوز (پاکستانی شیعہ خبر رساں ادارہ) اسلامی تحریک مزاحمت (حماس) نے اسرائیلی زندانوں میں پابند سلاسل فلسطینی اسیران کے خلاف اسرائیل کی انتقامی کارروائیوں کی شدید مذمت کی ہے۔

حماس کے ترجمان کا کہنا ہے کہ ہماری بہادر اسیر بہن بھائیوں کے ساتھ اسرائیلی ریاست کی طرف سے کسی بھی حماقت کا ارتکاب سنگین جرم ہوگا اور اس کی تمام تر ذمہ داری صہیونی ریاست پرعائد ہوگی۔

حماس کے ترجمان فوزی برھوم کا کہنا تھا کہ اسرائیلی دشمن فلسطینی اسیران کے خلاف مسلسل حماقتوں کا مرتکب ہو رہا ہے۔ ان حماقتوں کے نتائج اور مضمرات کی تمام تر ذمہ داری صیہونی ریاست پرعائد ہوگی۔

ان کا کہنا تھا کہ فلسطینی مزاحمتی قوتوں کے نزدیک اسیران کا معاملہ سرخ لکیر ہے۔ حماس اسیران کو تنہا نہیں چھوڑے گی اور اسیران کے حقوق اور ان کے مطالبات کو قومی حقوق کے تناظر میں حل کرےگی اور اسیران کی رہائی کے لیے ترجیحی بنیادوں پرکوششیں جاری رکھے گی۔