اسرائیل کے خلاف حماس کے راکٹ حملے جائز ہیں، ڈاکٹر عارف علوی
شیعہ نیوز (پاکستانی شیعہ خبر رساں ادارہ) صدر مملکت ڈاکٹر عارف علوی نے کہا ہے کہ مسلم امہ اسرائیل کے خلاف سخت قدم اٹھانے کی صلاحیت نہیں رکھتی، قابض و جارح اسرائیل کے خلاف حماس کے راکٹ حملے جائز ہیں۔
برطانوی خبر رساں ادارے کو خصوصی انٹرویو دیتے ہوئے صدرِ مملکت نے اعتراف کیا کہ مسلم امہ میں اسرائیل کے خلاف خود قدم اٹھانے کی صلاحیت نہیں، کیونکہ ہم کمزور ہیں۔
یہ خبر بھی پڑھیں مجلس وحدت مسلمین اور جماعت اسلامی مل کر فلسطینی مسلمانوں اظہار یکجہتی کیلئے تحریک چلا ئیں گے۔
ڈاکٹر عارف علوی نے کہا کہ ہم سمیت تمام ممالک نے اسرائیلی جارحیت کی بس مذمت کی، عالمی سطح پر مسلمان خود کمزور ہیں، اسی لیے ہمیں طاقت ور کی آواز سننا پڑے گی۔
صدر مملکت کا کہنا تھا کہ کسی قابض کے خلاف مزاحمت عالمی قوانین کے تحت جائز ہے، حماس کی جانب سے اسرائیل پر کیے جانے والے راکٹ حملوں کو جائز سمجھتا ہوں۔ اُن کا مزید کہنا تھا کہ مسلم امہ بس رائے استوار کرنے کی کوشش کر رہی ہے، کیونکہ اسلامی ممالک کمزور ہیں۔
