حیفا پر دوبارہ حزب اللہ کا شدید حملہ، خطرے کے سائرن بج گئے

شیعہ نیوز: حیفا پر حزب اللہ کے شدید حملوں کے بعد شہر میں خطرے کے سائرن بج گئے ہیں۔

لبنانی ذرائع ابلاغ نے کہا ہے کہ بیروت پر صہیونی حکومت کے حملوں کے بعد حزب اللہ نے اسرائیل کے ساحلی شہر حیفا پر میزائل حملوں کا نیا دور شروع کیا ہے۔

یونیوز لبنان نے کہا ہے کہ حیفا کے جنوب مشرق میں میزائل حملوں کے بعد شہریوں کو محفوظ پناہ گاہوں کی طرف جانے کے لئے خطرے کے سائرن بجائے گئے ہیں۔

یہ بھی پڑھیں : یحی سنوار غزہ سے مجاہدین کی قیادت کر رہے ہیں، ڈاکٹر خالد قدومی

مقامی ذرائع کے مطابق حیفا کے نزدیک واقع العفولہ اور ناصرہ میں بھی حزب اللہ کے میزائل گرے ہیں جس سے صہیونیوں کے درمیان خوف و ہراس پھیل گیا ہے۔

یونیوز نے کہا ہے کہ حملوں میں استعمال ہونے والے راکٹ اور میزائل جنوبی لبنان سے فائر کئے گئے ہیں۔

حزب اللہ کی جانب سے جاری ایک بیان میں کہا گیا ہے کہ آج ہونے والے حملوں میں صہیونی فضائی اڈے رامات ڈیوڈ کو دوبارہ "فادی2” میزائلوں سے نشانہ بنایا گیا ہے۔