غرب اردن، فلسطینی مجاہدین اور اسرائیلی فورسز کے درمیان شدید جھڑپیں

شیعہ نیوز: غرب اردن کے مختلف علاقوں میں فلسطینی مجاہدین اور اسرائیلی فورسز کے درمیان شدید جھڑپیں ہورہی ہیں۔

المیادین نے کہا ہے کہ غرب اردن کے مختلف علاقوں میں فلسطینی مجاہدین اور اسرائیلی فورسز کے درمیان شدید جھڑپیں ہورہی ہیں۔

تفصیلات کے مطابق اسرائیلی فوجیوں نے الخلیل شہر کے نواحی علاقے دورا پر لشکر کشی کی جس کے جواب میں فلسطینی مجاہدین نے حملہ آور اسرائیلی فورسز پر حملہ کیا۔

یہ بھی پڑھیں : ایران منشیات کی اسمگلنگ کے خلاف جنگ میں فرنٹ لائن پر ہے، ایرانی مندوب

دوسری طرف بیت لحم کے مشرق میں واقع قصبے زعترہ پر بھی اسرائیلی فورسز نے دھاوا بول دیا ہے۔

فلسطینی ذرائع کے مطابق جنین سمیت مختلف علاقوں میں حملہ آور اسرائیلی فورسز اور فلسطینی جوانوں کے درمیان تصادم کے واقعات پیش آرہے ہیں۔

تحریک جہاد اسلامی فلسطین کی عسکری شاخ القدس بریگیڈ نے کہا ہے کہ اس کے مجاہدین نے اسرائیلی فوجیوں کو جنین کے نواحی علاقوں میں نشانہ بنایا ہے۔