شام، سویدا میں شدید جھڑپیں، 50 سے زائد ہلاک و زخمی
شیعہ نیوز: شام کے شہر سویدا میں مسلح گروہوں اور دروز ملیشیاؤں کے درمیان تصادم میں کم از کم 13 افراد ہلاک، 40 سے زائد زخمی ہوگئے ہیں۔
رپورٹ کے مطابق شام کے جنوبی علاقے سویدا میں مسلح جھڑپوں کے نتیجے میں کم از کم 13 افراد ہلاک اور 40 سے زائد زخمی ہو گئے ہیں۔ یہ جھڑپیں مسلح افراد اور دروز اقلیت کی عسکری گروہوں کے درمیان ہوئیں۔
نیوز کے مطابق لڑائی کا دائرہ سویدا شہر اور اس کے نواحی علاقوں تک پھیل گیا ہے، جہاں محلہ المقوس کے اطراف کی فضا تاحال کشیدہ ہے۔ اس کے ساتھ ساتھ سویدا کو قنوات اور عتیل سے ملانے والی سڑکیں بند کر دی گئی ہیں۔
یہ بھی پڑھیں ٹرمپ پر قاتلانہ حملے میں امریکی سیکرٹ سروس ملوث نکلی، تحقیقاتی رپورٹ
ذرائع نے بتایا کہ صوبہ سویدا کے داخلی راستے پر واقع گاؤں "الصوره” پر مسلح افراد نے تین اطراف سے حملہ کیا، جس کے نتیجے میں جھڑپیں مزید شدت اختیار کرگئیں۔
سویدا کے گورنر نے عوام سے اپیل کی ہے کہ وہ صبر و تحمل کا مظاہرہ کریں اور ہتھیار اٹھانے سے گریز کریں تاکہ علاقے میں امن بحال ہوسکے۔
حالیہ دنوں میں شام کے جنوبی علاقوں میں فرقہ وارانہ کشیدگی اور مسلح تصادم میں اضافہ دیکھنے میں آیا ہے، جس پر مبصرین تشویش کا اظہار کررہے ہیں۔
