صیہونی فوج کے ٹھکانوں پر حزب اللہ کا میزائل حملہ، 11 اسرائیلی فوجی زخمی

شیعہ نیوز: لبنان کی سمت سے شمالی مقبوضہ فلسطین میں بستیوں اور قابض اسرائیلی فوج کے مقامات پر حزب اللہ کے میزائل حملے میں کل اتوار کی شام 8 اسرائیلی فوجیوں سمیت 11 اسرائیلی زخمی ہو گئے۔

اسرائیلی فوج کے ریڈیو نے اطلاع دی ہے کہ شمالی مقبوضہ فلسطین میں بالائی الجلیل کے علاقے میں واقع بیت ہلیل نامی بستی پر فائر کیے گئے میزائل کے نتیجے میں 11 اسرائیلی جن میں 8 فوجی اور 3 آباد کار زخمی ہو گئے۔

یہ بھی پڑھیں : مقبوضہ مغربی کنارے میں اسرائیلی دہشت گردی میں 5 فلسطینی شہید، 60 گرفتار

عبرانی ریڈیو کے مطابق کہ یہ ایک "گائیڈڈ میزائل” حملہ تھا۔ اس نے لبنان فلسطینی سرحد پر واقع "کریات شمونہ” بستی کے مشرق میں ایک فوجی گاڑی کو نشانہ بنایا۔

حزب اللہ نے اعلان کیا کہ اس نے بیت ہلل کے اڈے پر ایک فوجی گاڑی کو گائیڈڈ میزائلوں سے نشانہ بنایا۔ اس حملے میں متعدد اسرائیلی فوجی ہلاک اور زخمی ہوگئے۔