صیہونی حکومت کے لئے حزب اللہ لبنان کا پیغام
شیعہ نیوز: حزب اللہ لبنان نے پیر کو ایک ویڈیو پیغام میں صیہونی حکومت کی فوج کو جنوبی لبنان پر وسیع حملے کے نتائج کی بابت خبردار کیا ہے۔
رپورٹ کے مطابق حزب اللہ لبنان کے وار میڈیا نے ایک ویڈیو پیغام جاری کیا ہے جس میں اس تنظیم کے مجاہدین کو صیہونی فوج کا ایک ٹینک تباہ کرتے ہوئے دکھایا گیا ہے۔
یہ بھی پڑھیں : بحیرہ کیسپئن میں پانچ ساحلی ریاستوں کی مشترکہ بحری مشق شروع
اس ویڈیو پیغام میں عاشورائے حسینی کے خطاب میں حزب اللہ لبنان کے سربراہ سید حسن نصراللہ کے انتباہ کے ساتھ لبنان کی اسلامی استقامتی تحریک کے اینٹی ٹینکوں اور بکتر بند گاڑیوں کو نشانہ بنانے والے ہیتھیاروں کو دکھایا گیا ہے۔
اس ویڈیو میں صیہونیوں کو خبردار کیاگیا ہے کہ اگر لبنان میں داخل ہوئے تو ان کا کوئی بھی ٹینک باقی نہیں رہے گا۔
یاد رہے کہ حزب اللہ لبنان کے سربراہ سید حسن نصراللہ نے گزشتہ ہفتے عاشورائے حسینی کی تقریر میں صیہونی حکومت کو خبردار کیا تھا کہ اگر اس کی فوج جنوبی لبنان میں داخل ہوئی تو پھر اس کے لئے ٹینکوں کی کمی کی بات نہیں ہوگی کیونکہ پھر اس کا کوئی بھی ٹینک باقی نہیں رہے گا۔
