حزب اللہ نے اسرائیل پر حملہ کر دیا

شیعہ نیوز (پاکستانی شیعہ خبر رساں ادارہ) حزب اللہ نے، لبنان پر حملے کے جواب میں، اسرائیل پر میزائل حملہ کرنے کا اعلان کیا ہے۔

حزب اللہ کی طرف سے جاری کردہ تحریری بیان میں کہا گیا ہے کہ گذشتہ شب لبنان کے جنوبی علاقوں الجرموک اور الشواکر پر اسرائیلی فضائی حملوں کے جواب میں حزب اللہ سے منسلک "شہید علی کامل محسن” اور "شہید قاسم طحٰن ” گروپوں کے اسرائیل کے زیر قبضہ فارم ہاوسوں پر 122 ملی میٹر میزائلوں سے حملہ کیا گیا۔

تاہم اسرائیلی فوج کے جاری کردہ بیان کے مطابق مقبوضہ گولان پہاڑیوں میں واقع عین کنیہ اور رہائشی علاقے سنیر میں سائرن بجے۔

بیان میں راکٹوں کی تعداد اور کسی جانی یا مالی نقصان کے بارے میں کوئی معلومات فراہم نہیں کی گئیں۔

تاہم اسرائیل کے چینل 13 نے جاری کردہ خبر میں کہا ہے کہ لبنان سے اسرائیل کی طرف کم ازکم 10 راکٹ پھینکے گئے ہیں۔