حزب اللہ کا صیہونی فوجی ٹھکانوں پر ڈرون حملہ، ایک فوجی ہلاک اور پانچ زخمی

شیعہ نیوز: صیہونی حکومت کے ذرائع ابلاغ نے تصدیق کی ہے کہ مقبوضہ فلسطین کے شمال میں حزب اللہ کے تازہ ترین حملے میں کم از کم ایک صیہونی فوجی ہلاک اور 5 زخمی ہوئے ہیں۔

الجزیرہ نے بتایا ہے کہ صیہونی حکومت کے ذرائع ابلاغ نے مقبوضہ فلسطین کے شمال میں آج صبح حزب اللہ کے ڈرون حملے کے نتیجے میں متعدد صیہونی فوجیوں کے ہلاک اور زخمی ہونے کی خبر دی ہے۔

یہ بھی پڑھیں : صہیونی حکومت کے ایٹمی ہتھیاروں سے عالمی امن کو خطرہ ہے، ایروانی

مذکورہ ذرائع کے مطابق لبنان کی حزب اللہ کے ڈرون حملے میں کم از کم 5 اسرائیلی فوجی زخمی ہوئے ہیں

بعض صہیونی ذرائع ابلاغ نے اس حملے میں ایک صیہونی اہلکار کی ہلاکت کی خبر دی ہے۔

صیہونی ہسپتال رمبام کی انتظامیہ نے بھی تصدیق کی ہے کہ ایک فوجی ہیلی کاپٹر نے آج صبح مقبوضہ علاقوں کے شمال سے دو شدید زخمی فوجیوں کو اس ہسپتال میں منتقل کیا ہے۔