ہوشاب، سی ٹی ڈی کا خاتون خودکش حملہ اور کو گرفتار کرنیکا دعویٰ

شیعہ نیوز: کاؤنٹر ٹیررازم ڈیپارٹمنٹ نے بلوچستان کے علاقہ ہوشاب میں ایک کارروائی کے دوران ایک مبینہ خاتون خودکش بمبار کو گرفتار کرنے کا دعویٰ کیا ہے۔ اطلاعات کے مطابق سی ٹی ڈی نے قانون نافذ کرنے والے اداروں کے ساتھ مل کر یہ کارروائی کی جس میں دہشتگرد خاتون کو گرفتار کیا گیا۔ سی ٹی ڈی ذرائع کے مطابق خاتون کے قبضے سے دھماکہ خیز مواد ڈیٹونیٹر بھی برآمد کیا گیا ہے۔ سی ٹی ڈی نے دعویٰ کیا ہے کہ گرفتار خاتون کا تعلق کراچی یونیورسٹی پر حملہ کرنے والے کالعدم تنظیم سے ہے۔ سی ڈی ٹی نے اپنے دعوے میں مزید کہا ہے کہ گرفتار خاتون سی پیک روڈ پر غیر ملکی قافلے کو نشانہ بنانا چاہتی تھی، جس کو ناکام بنا دیا گیا ہے۔ اطلاعات کے مطابق کارروائی کے دوران وومن پولیس نے بھی سی ٹی ڈی کی معاونت کی۔