امام خمینی میموریل ٹرسٹ کی ایگزیکٹوکونسل کا اعلان

شیعہ نیوز (پاکستانی شیعہ خبر رساں ادارہ) امام خمینی میموریل ٹرسٹ کارگل کشمیر کا قصبی سورو کے لئے ایگزیکٹو کونسل کا انتخابی اجلاس منعقد ہوا۔ اجلاس کی سربراہی ٹرسٹ کے چیئرمین شیخ محمد محقق، مولانا شیخ صادق رجائی، حاجی اصغر کربلائی نے کی جبکہ ٹرسٹ کے رضاکاروں اور مقامی لوگوں کی بڑی تعداد اجلاس میں موجود تھی۔

اجلاس رسمی طور پر قرآن کریم کی تلاوت کے ساتھ شروع ہوا اور ایگزیکٹو ادارے کے نام تجویز کرتے ہوئے حاجی اصغر علی کربلائی نے انتخابات کو طریقہ کار کے مطابق شروع کیا۔

انتخابات کے بعد نئے ایگزیکٹوز کونسل کو حتمی شکل دی گئی جس میں شیخ عبدالجلیل غرووی کو کونسل کا صدر، اخون عبد کو نائب صدر اور منشی طاہر کو جنرل سیکرٹری نامزد کیا گیا۔ اس دوران حاجی اصغر علی کربلائی نے امام خمینی میمیوریل ٹرسٹ کی کارکردگی اور آئندہ لائحہ عمل سے سامعین کوآگاہکیا۔